ఇప్పటివరకు పక్కింటి అమ్మాయి ఇమేజ్‌కు తొలి ఆప్షన్‌గా కీర్తి సురేష్‌ పేర్కొనేవారు. మహానటి వంటి చిత్రాలు ఆమెకు స్టార్‌ ఇమేజ్‌ను తెచ్చిపెట్టాయి. తర్వాత అతికొద్ది కాలంలోనే హీరోయిన్‌ సెంట్రిక్‌ కథా చిత్రాల్లో నటించి శభాష్‌ అనిపించుకుంది. అదేవిధంగా మలయాళం, తెలుగు, తమిళం భాషల్లో నటిస్తూ బహుభాషా నటిగా రాణిస్తోంది. దీంతో చాలామంది హీరోయిన్ల మాదిరిగా కాకుండా నటనకు అవకాశం ఉన్న పాత్రను ఎంచుకొని నటిస్తుందనే ప్రశంసలు వస్తున్నాయి. అలాంటి ఈ భామ తాజాగా గ్లామర్‌పై దృష్టి సారించినట్లు తెలుస్తోంది.
