జపాన్‌లోని అసా సీసైడ్‌ రైల్వేస్‌ తీసుకొచ్చిన ఈ డ్యుయల్‌ మోడ్‌ వాహనం మినీ బస్సులా కనిపిస్తుంది. రోడ్డుపై సాధారణ రబ్బర్‌ టైర్లతో నడుస్తుంది. పట్టాలపైకి వెళ్లాక మాత్రం స్టీలు చక్రాలతో ముందుకు సాగుతుంది. పట్టాలపైకి చేరుకున్నాక బటన్‌ నొక్కగానే బస్సు ముందు పొట్టలో ఉన్న స్టీలు చక్రాలు బయటకు వచ్చేస్తాయి. వెనుకవైపు కూడా స్టీలు చక్రాలు బయటకు వచ్చి పట్టాలపై సరిగ్గా కూర్చుంటాయి. బస్సు ముందు టైరు పట్టాలకు తాకదు కానీ వెనుక టైరు తాకుతుంది. వెనుక టైరు ఆధారంగానే ఈ రైలు లాంటి బస్సు నడుస్తుంది. ఒకసారి పట్టాలపై చక్రాలు కూర్చున్నాక డ్రైవర్‌ కిందికి దిగి వాటిని పరిశీలించి అంతా సరిగ్గా ఉందనుకున్నాక ముందుకు సాగుతాడు.
