స్టార్‌ హీరోల సినిమాను ఫస్ట్‌డే ఫస్ట్‌ షో చూడాలని ప్రతి అభిమాని కోరుకుంటాడు. అందుకోసం చాలా కష్టపడతారు. ఇప్పుడైతే ఆన్‌లైన్‌లో టికెట్స్‌ అందుబాటులోకి వచ్చాయి కానీ.. అప్పట్లో అయితే ఎవరైనా థియేటర్‌కి వెళ్లి టికెట్‌ కొనాల్సిందే. మెగాస్టార్‌ చిరంజీవికి కూడా ఫస్ట్‌డే ఫస్ట్‌ షో అనుభవం ఉందట. ఎన్టీఆర్‌ రామారావు సినిమా ఫస్ట్‌ షోకి వెళ్లి నాన్న చేతిలో దెబ్బలు తిన్నాడట. శ్రీకాంత్‌ రెడ్డి, సంచిత బషు జంటగా వంశీధర్‌ గౌడ్, లక్ష్మీ నారాయణ పుట్టంశెట్టి ద్వయం తెరకెక్కించిన చిత్రం ‘ఫస్ట్‌ డే ఫస్ట్‌ షో’ మూవీ ప్రీ రిలీజ్‌ ఈవెంట్‌కి చిరంజీవి ముఖ్య అతిథిగా వెళ్లారు. ఈ సందర్భంగా ఆయన తన ఫస్డ్‌ డే ఫస్ట్‌ షో అనుభవాన్ని ప్రేక్షకులతో పంచుకొని నవ్వులు పూయించారు.
